Rocky Aur Rani Ki Prem Kahani Review, Release Date, Cast, Budget, Story, Day 1 Collection

Ranveer Singh aur Alia Bhatt starrer family drama film Rocky aur Rani ki Prem Kahani release ho chuki hai. Film se Karan Johar apna directorial comeback kar rahe hain. Ranveer aur Alia ke alawa film mein Dharmendra, Jaya Bachchan, Shabana Azmi jaise diggaj kalakar bhi ahem bhoomika nibha rahe hain.

Rocky Aur Rani Ki Prem Kahani Cast, Release Date, Budget:

• Budget: 160 crores INR
• Cast: Ranveer Singh, Alia Bhatt, Shabana Azmi, Dharmendra, Ronit Roy, Jaya Bachchan, Parth Siddhpura, Aamir Bashir, Shraddha Arya
• Release Date: 28 July 2023
• Language: Hindi
• Genre: Drama, Kids & Family, Romance
• Duration: 2h 48min
• Director: Karan Johar

Rocky Aur Rani Ki Prem Kahani Trailer:

 

Rocky Aur Rani Ki Prem Kahani Story:

Kahani hai Rocky Randhawa yaani Ranveer Singh aur Rani Chatterjee yaani Alia Bhatt ki. Typical Punjabi Rocky ek khaas maksad ke saath intellectual Rani Chatterjee se milte hain. Maksad poora karte-karte dono ek doosre se pyaar karne lagte hain.

Jab baat shaadi tak pahunchti hai, to Rani parivaaron ki soch alag hone par kadam peeche khich leti hai. Shaadi karne se pehle dono ek doosre ke parivaar ke saath kuch din bitate hain. Kai dikatien aati hain, jhagde hote hain aur rishta tootne ki kagar par aa jata hai. Aage kya hal niklega ye aapko film mein hi dekhna hoga.

Film mein Dharmendra ne Rocky Randhawa bane Ranveer ke dadaji ka role play kiya hai.

Rocky Aur Rani Ki Prem Kahani Review:

Alia aur Ranveer ne apna kaam bakhubi kiya hai. Bas kahin-kahin Ranveer ki energy thodi zyada lagi hai. Jaya Bachchan ka sakht mizaaj achhi tarah nikalkar aaya hai. Ye ek scene mein apna ek iconic scene recreate karti hain, jo surprise rakha jaaye to behatar hoga.

Dharmendra kam screen time hone ke bawajood apne hisse ka kaam kar gaye hain. Shabana Azmi ki acting mein kami nikaalna possible hi nahi hai.

Direction:

2016 ki film Ae Dil Hai Mushkil ke baad Karan Johar ne Lust Stories aur Ghost Stories mein chhote-chhote hisse hi direct kiye the. Lekin ab saalon baad unhone is film se directorial comeback kiya tha. Film ka direction lajawab hai. Dialogue delivery, songs, cinematography perfect hai. Film ki kahani thodi basic hai, jise direction khaas bana raha hai.

Background Music:

Film ki jaan uska background music hai. Rani ka entry song mazedar hai. Vahi film ke beech-beech mein classical gaano aur nayi dhunon ka fusion kaanon ko sukoon deta hai.

READ MORE🫣: Rocky Aur Rani Ki Prem Kahani Trailer got trolled !!

First Day Collection:

Film ko first day pe jabardast opening mili hai. Karan Johar ki come back film ko logon ka besabri se intezaar tha. Film ne first day collection me 11 Crore se jayda ki kamayi ki hai. Weekend ka response se makers ko kaafi umeed hai. 

Final verdict: Film dekhein ya nahi?

Film ka first half fast-paced tha, to Rocky-Rani ki love story ko space kam mila hai. Bade-bade khandano ka kaafi daba chhupa mamuli gussa dikhaya hai. Parampara, khandan, education ki behas badi hi aasani se khatm kar di gayi hai.

First half mein kahani itni tezi se chalti hai ki second half thoda boring lagta hai. Lekin in sabke bawajood film entertaining hai. Romantic family drama hone ke saath-saath ye film gender equality par bhi roshni daal rahi hai.

Kai saalon baad koi aisi film aayi hai, jise aap bina jhijhak apni family ke saath enjoy kar sakte hain. Film mein 3-4 kissing scenes zaroor hain, lekin unhe bhi highlight na karne ki bajaye sirf script ki demand ke roop mein pesh kiya hai. Kul milakar 2 ghante 49 minute ki ye film families ke liye paisa vasool hai.